اسلام آباد۔12نومبر (اے پی پی):چیئرمین سینیٹ محمد صادق سنجرانی ءَ گوں کزاکستان ءِ سفیر یرزن ءَ آدینگ ءِ روچ ءَ پارلیمنٹ گس ءَ گند ءُ نند کت۔ گند ءُ نند ءَ پاکستان ءَ کزاکستان ءِ دو نیمگی کمک، پارلیمانی ءُ تجارتی تک ءَ ڈل آنی روگ ءُ آیگ ءِ تہ ءَ گیش ترندی آرگ ءُ ارزشتی ایں کار آنی سر ءَ ھیال ریچی کنگ بوت۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ محمد صادق سنجرانی ءَ گوشت کہ پاکستان ءُ قزاخستان ءِ نیام ءَ گہتریں معاشی یکوئی ءَ چہ دو نیمگی یکوئی آناں گیش دیمروئی دیگ ءَ کمک رسیت ءُ معاشی و تجارتی روگ ءُ آیگ ءَ چہ چہ دمگ ءِ دیمروئی ءَ جوانیں دیمروئی رس ایت۔ چیئرمین سینیٹ ءَ گوشت کہ دوئیں ملک آنی نیام ءَ برات ءُ دوستی ءُ یکوئی مئے درئی پالیشی ءِ ارزشتی ایں بھر ات۔ ایوان ءِ بالا ءَ کزاکستان، پاکستان دوستی گروپ است انت ایشی ءِ وسیلگ ءَ دوئیں ملک آنی نیام ءَ پارلیمانی یکوئی آناں گیش مھکم جوڑ کنگ بوت کنت۔ پاکستان ءُ کزکستان ءِ نیام ءَ میاں اوستمانی فورمز ءِ تک ءَ جوانں یکوئی انت۔
