اسلام آباد۔ 12 نومبر (اے پی پی) وزیر مملکت پارلیمانی امور علی محمد خان پارینے کہ قائد حزب اختلاف ءِ مرے کہ او تینا سینیٹر آتے پہہ کے کہ ایوان نا چاگڑد ءِ خراب کپس، جمعہ نا دے آ ایوان اٹ وقفہ سوج آتے ٹی سینیٹر بہرہ مند تنگی نا اسہ سوج اسے نا ورندی ٹی او پارے کہ سینیٹر بہرہ مند منگی ہر باندات اٹ ایوان نا چاگڑد ءِ خراب کننگ نا کوشست کیک داوڑ کپ ورنہ ہیت ایلوکنڈآ کاہک، ولدا سرے محل نا ہیت ہم مریک، چیئرمین سینیٹ ڈاکٹر ءِ داڑے تولفسا اونا بلڈ پریشر ءِ چیک کرفے، ایوان نا شرف ءِ کننگے، قائد حزب اختلاف ہم اوفتے پہہ کے کہ ایوان نا چاگڑد ءِ خراب کپس، ورنہ نن ہم ہروڑپاننگ چانہ، اوفتا حالیت تو دادے کہ اوفتا پارٹی نا چیئرمین مالاکنڈ اٹی الیکشن کن ہناسس و ہموڑے شکست کنسا تینا سیٹ اسکان بچفنگ کتو۔
