اسلام آباد ۔ 12 نومبر (اے پی پی) اسپیکر قومی اسمبلی اسد قیصر وزارت صنعت و پیدوار ءِ پارت کرینے کہ یوٹیلیٹی اسٹور آتا گڑاتے پرائیویٹ دوکان تیا بہاکننگ نا غاوتا جاست وپاست ءِ کننگے۔ جمعہ نادے آ قومی اسمبلی ٹی وقفہ سوج آتے ٹی شاہین ناز سیف اللہ نا سوج انا ورندی ٹی پارلیمانی سیکرٹری عالیہ حمزہ ملک پارے کہ حکومت غٹ خریداری تے پیپرارولز انا رداٹ کرینے۔ اگہ یوٹیلیٹی اسٹور آتون اوار خریداری اسے اٹی بے قاعدگی مون آ بسنے تو اوفتے ننا مون آ اتیر نن کارروائی کینہ۔ اسہ پین ضمنی سوج اسے نا ورندی ٹی او پارے کہ خیبرپختونخوا ٹی 936و یوٹیلیٹی اسٹورز و 234 فرنچائز کاریم کننگ ءُ۔ یوٹیلیٹی اسٹورآتے ٹی نُت و بورہ بھاز اڑزآن بہامننگ ءِ۔ یوٹیلیٹی اسٹورآتا سیلز 103 ارب اسکان سرمسنے۔ اسپیکر پارت کرے کہ یوٹیلیٹی اسٹورآتا گڑاتے پرائیویٹ دوکان تیا بہامننگ نا باندات نا جاست و پاست ءِ کرفنگے۔
