اسلام آباد۔ 12 نومبر (اے پی پی) اسپیکر قومی اسمبلی اسد قیصر نرم ہسپتال نا بابت سوج ءِ تعلقدار کمیٹی نا دوٹی تسنے وخت اس کہ وزارت جان جوڑی و قومی خذمت نا کنڈآن قومی اسمبلی ءِ پاننگاکہ نرم (این آئی آر ایم) ہسپتال کن حکومت ڈغار ایکوائر کرینے و اونا پی سی ٹو تیار مسنے۔ جمعہ نادے آ قومی اسمبلی ٹی وقفہ سوج آتے ٹی ظل ہما نا سوج انا ورندی ٹی پارلیمانی سیکرٹری ڈاکٹر نوشین حامد پارے کہ نیشنل انسٹی ٹیوٹ آف ری ہیبلٹیشن میڈیسن بھلو وخت اسے آن کاریم کننگ ءِ۔ زمی جمب نا وخت دادے اپ گریڈ کننگا، دا چنکو ڈغار اسے آ جوڑ ءِ، حکومت داڑکن ڈغار ایکوائر للرینے و دانا پی سی ٹو تیار مسنے۔ شاہدہ اختر علی نا سوج انا ورندی ٹی ڈاکٹر نوشین حامد پارے کہ خورک آسامی اِراوڑنا ءُ، گڑاس ایف پی ایس سی نا کمک اٹ مریرہ، گڑاس کن انٹرویو بناکرینے و ایلو وڑنا آسامیک پروموشن نا کمک اٹ مریرہ و داڑکن ڈی پی سی نا ہم دیوان ءِ بٹنگ انگانے۔ اسپیکر داسوج ءِ کمیٹی نا دوٹی تس۔
