اسلام آباد۔ 12 نومبر (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 9 مرک مس ہرافتیان 4 مرک وینٹی لیٹرآتیا ساڑی ناجوڑ آتا ئسر۔ نیشنل کمانڈ اینڈ آپریشن نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 391 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تے ٹی وینٹی لیٹرآتیا کوویڈ۔ 19 نا ناجوڑآتا بیٹ کچ انا رداٹ پشاور اٹی 18 درسد، لاہور اٹی 10 درسد، ملتان اٹی 30 درسد و اسلام آباد اٹی 15 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی ولا کٹ آتیا کورونا نا مثبت کیس آتا بیٹ کچ انا رداٹ نوشہرہ ٹی 13 درسد، پشاور اٹی 13 درسد، صوابی ٹی 29 درسد و سرگودھاٹی 16 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 38 ہزار 524 ٹیسٹ کننگا ہرافتیان سندھ اٹی 7 ہزار 983، پنجاب اٹی 17 ہزار 568، خیبرپختونخوا ٹی 8 ہزار 382، اسلام آباد اٹی 3 ہزار 372، بلوچستان اٹی 655، گلگت بلتستان اٹی 370 ٹیسٹ، آزاد کشمیر اٹی 194 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 27 ہزار 228 مسنے۔ بلوچستان ، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 126 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 23 ہزار 330 ءِ۔ مچ آ ملک اٹی کورونا دین آن زہمی بندغ آتا کچ 12 لکھ 79 ہزار 142 ءِ ہرافتیان آزاد کشمیر اٹی 34 ہزار 501، بلوچستان اٹی 33 ہزار 383، گلگت بلتستان اٹی 10 ہزار 400، اسلام آباد اٹی 1 لکھ 7 ہزار 249، خیبرپختونخوا ٹی 1 لکھ 78 ہزار 926، پنجاب اٹی 4 لکھ 41 ہزار 631 و سندھ اٹی 4 لکھ 73 ہزار 52 ناجوڑ ءُ۔ مچ آ ملک اٹی کورونا دین آن زوال کروک آتا کچ 28 ہزار 584 مسنے۔ ہرافتیان سندھ اٹی 7 ہزار 599 مرک، پنجاب اٹی 12 ہزار 967 مرک وخت اس کہ تدوک آ بیست ءُ چار گھنٹہ ٹی 5 ناجوڑ ہسپتال آتے ٹی دادین آن زوال کریر، خیبرپختونخواٹی 5 ہزار 786مرک وخت اس کہ تدوک آ بیست ءُ چار گھنٹہ ٹی 4 ناجور ہسپتال آتیٹی دادین آن زوال کریر، اسلام آباد اٹی ککل 947 مرک، بلوچستان اٹی کل 358 مرک، گلگت بلتستان اٹی 186 مرک، آزاد کشمیر اٹی دادین آن 741 مرک مسنے۔ داتم اسکان مچ آ ملک اٹی کوویڈ۔ 19 نا 2 کروڑ 13 لکھ 18 ہزار 930 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی 1 ہزار 199 ناجوڑ درمان مننگ ءُ۔
