اسلام آباد۔ 12 نومبر (اے پی پی) وزیراعظم نا سلاہکار خزانہ نا ترجمان پارینے کہ نہاد آتا حساس ٹک انا بارواٹ ہفتہ وار رپورٹ ءِ شیڈول نارداٹ جاری کننگک۔ جمعہ نادے آ ٹویٹر آ جاری ٹویٹ اٹی مزمل اسلم پارے کہ نہاد آتا حساس ٹک (ایس پی آئی) نا ہفتہ وار رپورٹ ءِ جاری کننگ ءِ برجاتخنگ نا بارواٹ مہالو ہم وضاحت تننگاسس۔ اوپارے کہ ہفتہ وار رپورٹ ءِ جاری کننگ ءِ بند کننگ نا ہچ ءُ ڈٹ اس اف و نہاد آتا حساس ٹک انا بارواٹ ہفتہ وار رپورٹ ءِ شیڈول نا رداٹ جاری کننگک۔ اوپارے کہ افراط زر انا بارواٹ ڈیٹا نا جاری کننگ نا وڑوڈول ڈیہہ و دنیا ٹی غٹ آن گچین ءِ و اودے تاخیر آن بیدس تخوک آ وخت آ جاری کننگک۔
