اسلام آباد۔11نومبر (اے پی پی): وزیر ءِ درئی کار شاہ محمود قریشی ءَ گوشت کہ اوگانستان ءِ ھولگ ءَ بیجنگ ءَ بوھوکیں دیوان ءَ طالبان ءَ را دلگوش کناں، ایشاناں دلگوش کنگی انت ءُ ایشاناں ٹیمبل ءِ دیم ءَ نادینگی انت۔ پاکستان زمہ واریں ملک ات، ایمنی ءُ برجائی ءَ چہ دگنیا ءِ واستہ ءُ دمگی سیت است انت، اگاں بے ایمنی بوت گڈا کس پشت نہ کپ ایت۔ پنچ شمبے ءِ رو چءَ ٹرائیکا پلس دیوان ءَ چہ پد میڈیا ٹاک کنان ءَ وزیر ءِ درئی کار ءَ گوشت کہ من دیوان ءِ شریکی مردم آناں گوشتگ کہ اوگانستان ءِ جاور ھال آںی ھوالگ ءَ چہ پاکستان ءَ زمہ واری وتی کوپگ آں زرتگ۔ پاکستان ءَ اوگانستان ءِ توامیں ھمساھگیں ملک آں ھوار روس ءَ را ھم دلگوش کتگ ءُ نوں ما – چین ءِ نیمگ ءَ روگ ءَ آں۔ وزیر ءِ درئی کار ءَ گوشت کہ ما پیسلہ کتگ کہ ما وت مہ وتی گپ جناں، ھما کس ءَ کہ ما دلگوش کنگ لوٹاں تاں وھد ءِ آ ٹیمبل ءِ دیم ءَ نہ بنت گڈا اچ پائیدگ نیست، ھمے ھاترا آیوکیں گند ءُ نند طالبان ءَ را ھمودا بوھگ لوٹ ایت۔
