اسلام آباد۔11نومبر (اے پی پی): مزن وزیر عمران خان ءَ گوشت کہ پاکستان ءَ مدام سکیں ساھت ءَ اوگان الس آنی گوما ھمبراہ داری کتگ، میاں اوستمانی برات اوگان الس آنی جیڈھ آناں کم کنگ ءِ واستہ وتی زمہ واری آں پیلو بکن انت، اوگان الس آناں بنی آدمی ھک آنی بنیات ءَ ھمک رنگیں کمک پجاری ءَ جاڑی داراں، پنچ شمبے ءِ روچ ءَ وتی ٹویٹ ء۔ مزن وزیر ءَ گوشت کہ آئی ءَ اوگانستان ءِ ادارُکی وزیر ءِ درئی کار امیر خان متقی ءُ آئی ءِ ھمبراھیں ڈل ءَ را دل یکیمی کتگ کہ آ اوگانستان ءَ را بنی آدمی یکوئی ءِ بنیات ءَ توامیں استیں کمی پجاری کنت ءُ اوگان الس ءَ را ریلیف پجاری کنگ ءِ واستہ ضلوریگیں وردن ءُ وراکی سامان، ایمرجنسی طبی سامان ءُ سردی ءَ چہ رکھگ ءِ واستہ سامان روان دنت۔ آئی ءَ گوشت کہ پاکستان ءِ سفر کنوکیں توامیں اوگان شہری آناں کوویڈ-19 ویکسین مپت ءَ پجاری کنت۔ مزن وزیر ءَ گوشت کہ آ یک رند ءِ پدا میاں اوستمانی برات آنی سر ءَ زور پر دنت کہ آ اوگانستان ءِ الس آنی جیڈھ آنی گیواری ءِ واستہ وتی وتی زمہ واری آں پیلو بکن انت۔
