اسلام آباد۔11نومبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ یورپی یونین ءُ دگنیا ءَ را اوگانستا ن ءِ برجائی ءِ واستہ وتی کرد ءَ را پیلو کنگ لوٹ ایت، اوگانستان ءِ استیں جاور ھال یک ڈکالے ءَ چہ کم تر نہ انت، اوگانستان ءِ بابت ءَ اکانومسٹ ءِ استیں رپوٹ نہ وش انت، اوگانستان ءَ 23 ملین مردم وردن ءُ وراک ءِ کمیگ ءِ آماچ انت، زھگ شدیکی ءَ چہ مرگ ءَ انت، ما دگنیا ءَ را اوگانستان ءِ ھولگ ءَ وتی دلرنجی ءَ چہ سرپد کتگ، اوگانستان ءَ وتی بنجاھی جوڑ کت کنت، آئی ءَ گوشت کہ پاکستان ءَ دگنیا ءَ چہ اوگانستان ءِ الس آنی کمک ءِ اپیل کتگ۔ بلغاریہ اوگانستان ءِ جاور ھال آنی تہ ءَ ارزشتی ایں کرد ءِ پیلو کت کنت۔ چوہدری فواد حسین ءَ گوشت کہ ما طالبان حکومت ءَ را اے وھد ءَ تاں نہ مناں نہ تاں وھد ءِ پڑے ایندگر ملک اوگانستان حکومت ءَ را نہ مناں ۔ بلغاریہ ءِ گوما پاکستان ءِ یکوئی ءِ تران ءَ کنان ءَ آئی ءَ گوشت کہ دوئیں ملک آنی نیام ءَ بازیں سال ءَ چہ سفارتی ءُ براتی یکوئی برجا انت ایشرا ما شرپ ءُ ازت ءِ نگاہ ءَ چاراں۔ اے موہ ءِ سر ءَ بلغاریہ ءِ سفیر ءَ اوگانستان ءَ چہ در ملکی شہری ءُ سفارت کاری آنی در کنگ ءِ ھوالگ ءَ پاکستان ءِ کوشست آناں ساڑات۔ آئی ءَ گوشت کہ پاکستان ءِ اوگان ایمنی ءِ کار ءَ کرد لائک ءِ توسیپی انت۔ بلغاریہ اگانستان ءَ ایمنی ءِ کوشست آنی تہ ءَ وتی کرد ءَ پیلو کنت۔
