اسلام آباد۔11نومبر (اے پی پی):پاکستان ءَ سعودی عرب ءِ سفیر نواف بن سعید المالکی ءَ گوشت کہ سعودی عرب پاکستان ءَ را رائل کورٹ ءَ چہ منظوری ءُ وت مہ وتی تپاکی ءِ یاتگیری (ایم او یو) آنی سر ءَ دست چنگل ءَ چہ پد جار جتگیں مالی کمک آناں زوت پجاری کنت۔ سعودی عرب پاکستان ءَ را یک شرپ مندیں ءُ براتیں ملک ءِ پھم ایت، پاکستان آیوکیں باندات روشنا انت۔ آیوکیں باندات ءَ پاک۔ سعودیہ یکوئی گیش برجم بنت۔ آئی ءَ اے گپ پنچ شمبے ءِ رو چ ءَ اے پی پی ھیڈ کوارٹرز ءَ تر ءُ تاب ءِ موہ ءَ راجی ھال رسانکی ادارگ ءَ را یک ھاسیں گلگدارے ءَ گوشت کہ۔ یات دارگ بہ بیت کہ سعودی عرب ءَ انوں زوتاں پاکستان ءَ را گیر ملکی زر امبار آنی مڈی آنی تہ ءَ کمک ءُ کورونا ءِ ھوپ ءَ چہ رکھگ ءِ واستہ کمک ءِ ھاترا سٹیٹ بینک آف پاکستان ءَ 3 ارب ڈالر جم کنگ ءُ ٹیل ءِ درآمد ءِ واستہ 1.2 ارب ڈالر مالیت ءِ یک سالے ءَ پد دیگ ءِ آسراتی ءِ جار جتگ بوتگ۔ سعودی سفیر ءَ گوشت کہ رائل کوٹ ءِ نیمگ ءَ چہ اے رد ءَ منظوری ءُ مالی کمک ءِ پجاری ءُ ٹیل ءِ واستہ جوانیں پیمنٹ ءِ آسراتی ءِ رچ آیوکیں لستیں روچ ءَ ایم او یو ءِ سر ءَ دست چنگل جنگ بیت۔ دوئیں ملک آنی میڈیا ءِ نیام ءَ شریکداری ءِ امیت ءِ بابت ءَ یک جستے ءِ پسو ءَ آئی ءَ گوشت کہ دوئیں راج آناں وت مہ وتی نزیک آرگ ءَ میڈیا ءِ ٹوھیں کرد ءِ است انت۔ سعودی سفیر نواف بن سعید المالکی ءَ لستیں ماہ ءَ چہ پاکستان ءَ وتی برجائی ءَ چہ 8 سال سرجم کنگ ءَ آں، آئی ءَ گوشت کہ پاکسان ءِ مردم باز دل دوست انت۔ آئی ءَ گوشت کہ پاکستان ءَ بازیں پازیٹیو چیز انت ایشانی سر ءَ پھر کنگ بوت کنت ءُ اے گواچنی پاکستان ءِ پجار ءِ ر د ءَ دگنیا ءَ پیش کنگ بوت کن انت۔ اے رد ءَ آئی ءَ پاکستان ءِ تیار کتگیں جے ایف -17 جنگی جہاز زوران ءَ تجارتی بنجاہ فیصل آباد ءَ ہزاراتنی فیکٹری آنی ھوالگ ءَ کت انت۔ آئی ءَ گوشت کہ پاکستان ءَ برجائی، دیمروئی ءُ وشھالی ءِ واستہ نیکیں واھشت آنی درشان کت۔ ایشی ءَ چہ پیسر سعودی سفیر ءَ راجی ھال رسانکی ادارگ “اے پی پی” ءِ منیجنگ ڈائریکٹر مبشر حسن ءِ گوما گند ءُ نند کت ، اے گند ءُ نند ءِ اندر ءَ ھاسیں رنگ ءَ ھال رسانک ءِ شوبگ آنی تہ ءَ کمک ءُ السی رابطہ آناں گیش دیمروئی دیگ ءِ کار رپک آنی ھوالگ ءَ ھیال ریچی کت۔ اے موہ ءِ سر ءَ ایم ڈی اے پی پی مبشر حسن ءَ سعودی سفیر ءَ را یاتگیری شیلڈ ھم پیش کت۔
