پارلیمنٹ ءِ آٹو میشن ءَ  چہ پارلیمان ءِ دوئیں ایوان آنی کار کرد ءِ تہ ءَ گیشی بیت، زوتیں پیسلہ کنگ ءَ ھم کمک رسیت، صدر ءِ مملکت ڈاکٹر عارف علوی ءِ دیوان ءَ گوں گشتانک

اسلام آباد۔10نومبر  (اے پی پی):صدر مملکت ڈاکٹر عارف علوی  ءَ کانود ءِ جوڑیشتی ءِ  کار ءَ را جوانیں رنگ ءَ سیم سر  آں سر کنوک آنی واستہ پارلیمنٹ ءِ ڈیجیٹیلائزیشن ءِ کار ءَ را گیش ترند کنگ ءِ ھوالگ ءَ زور پر دیان ءَ گوشت کہ  پارلیمنٹ ءِ آٹومیشن ءَ چہ پارلیمان ءِ دوئیں  ایوان آنی  کار کرد ءِ تہ ءَ گیشی بیت وھدیکہ   ایشی ءَ چہ زوت پیسلہ کنگ ءَ ھم کمک رسیت، حکومت جتا جتائیں وزارت / ڈویژن ءَ را ڈیجیٹل  رد ءَ  وت مستر جوڑ کنگ ءِ واستہ گامگیج کنگ ءَ انت  ایشی ءِ مول ءُ مراد  کیاسگری ءُ ساپ ءُ سلہ ئی ءَ را ودینگ ءِ  گوما ازمت ءِ پجاری ءَ را گہتر جوڑ کنگ انت۔ صدر ءِ مملکت ءَ اے گپ  چار شمبے ءِ روچ ءَ پارلیمنٹ گس ءَ سائبر ایفیشینٹ پارلیمنٹ ءِ واستہ صدر ءِ گامگیج ءِ ھوالگ ءَ دیوان ءِ صدارت کنان ءَ کت۔ چیئرمین سینیٹ محمد صادق سنجرانی، سپیکر قومی اسمبلی  اسد قیصر، ایم این اے شیر علی ارباب، سیکرٹری قومی اسمبلی سیکرٹریٹ طاہر حسین، سیکرٹری وزارت آئی ٹی اینڈ ٹیلی کمیونیکیشن ڈاکٹر سہیل راجپوت  ءُ  سیکرٹری وزارت منصوبہ بندی ،  دیمروئ  ءُ ھاسیں گامگیج حامد یعقوب شیخ ءَ  دیوان ءَ بھر زوری کت۔   دیوان ءَ را  پارلیمنت ءِ ڈیجیٹیلائزیشن ءِ  ھوالگ ءَ دیمروئی  گام آنی بابت ءَ سئیگ ءُ سرپد کنگ بوت۔ اے  موہ ءِ سر ءَ گوشگ بوت کہ منصوبگ  ءِ   PC-I وزارت منصوبگ بندی ، دیمروئی ءُ ھاسیں گامگیج ءَ پیش کنگ بوتگ۔