اسلام آباد۔10نومبر (اے پی پی): مزن وزیر عمران خان ءَ گچین کاری گہتری کار آنی ضلورت ءِ سر ءَ زور پر دیان ءَ گوشت کہ مئے مقابلہ مافیاز ءِ گوما انت، کرپٹ نظام ءِ پیداوار اپوزیشن گل مٹی ءِ ھلاپ انت بلے ما مٹی کاراں، آزاتیں ، ساپ ءُ سلہ ایں الیکشن جمہوریت ءِ بنیات انت، پاکستان ءَ گوستگیں 50 سال ءِ تاریخ ءَ ھمک الیکشن ءَ را نہ وش کتگ، الیکٹرانگ ووٹنگ مشین ءَ چہ دھاندلی ءِ بھتام آنی ھلاسی بیت، الیکشن کمیشن ءُ اپوزیشن ءِ نیمگ ءَ چہ ای وی ایم ءِ ھلاپ بے سر ءُ پاد انت، مافیاز ءَ گوں مڈگ ءَ ابید اچ راج دیمروئی ءِ سفر ءَ رھادگ بوت نہ کنت، پارلیمان ءِ باسک مٹی ءِ گوما ھمبراہ داری بکن آں۔ پاکستان ءَ را اسلامی گہبودی ریاست ءِ جوڑ کنگ ءِ منزل ءَ در جناں۔ اے ھیالانی درشانی آئی ءَ چار شمبے ءِ روچ ءَ پارلیمان ءِ باسک آں گوں گشتانک دیان ءَ کت۔ مزن وزیر ءَ گوشت کہ آ وتی ءُ وتی ھمبراھیں گل آنی باسک آناں وش اتک کنت۔ آئی ءَ گوشت کہ منی سیاست ءَ آیگ ءِ مول ءُ مراد پاکستان ءَ را دروی گہبودی ریاست ءِ جوڑ کنگ انت۔ قائداعظم ءِ لیکہ ءُ واب بوتگ کہ پاکستان یک ٹوھیں ملک ءُ دگنیا ءِ واستہ یک دروری یے جوڑ بہ بیت، نبی کریم ﷺ ءَ اولی گہبودی ریاست ءِ جوڑ کتگ ءُ اسلامی چاگرد ءُ ریاست ءِ رھبند ءُ کوکا آناں سہرا کتگ۔ نبی کریم ﷺ سرجمیں دگنیا ءِ بنی آدمی آنی واستہ رحمت ءِ جوڑ بوتگ ءُ اتکگ ءُ دگنیا ءَر ا ھما سروکیں رھبند داتگ انت کہ ایشانی پد ءُ رند ءَ چہ کجام ھم راج کامیاتی ءُ دیمروئی ءِ منزل آں در جنت کنت۔ مزن وزیر ءَ گوشت کہ راج اخلاقیات ءِ بنیات ءَ دیمروئی کن انت، ھما راج اخلاقی برز ءُ بلندی ءِ سر ءَ بنت ایشاناں ایٹم بمب جنگ ءَ چہ ھلاس کنگ بوت نہ کنت، جرمنی ءُجاپان ءِ تباہی ءِ آماچ بوھگ ءَ ابید دیمروئی کتگ چیا کہ آئی اخلاقیات برز ءُ بلند بوتگ وھدیکہ بیروت وڑیں پیرس آف مڈل ایسٹ گوشگ بوتگ۔ مرچی کرپشن ءِ سبب ءَ ناکام ریاست ات۔ مزن وزیر ءَ گوشت کہ 1970 ءَ چہ پد توامیں گچین کاری جیڈھ آنی آماچ بوتگ انت چیا کہ ہار وروک آں وتی شکست ءَ را نہ من انت، ما پارلیمان ءِ استیں سیشن ءَ ھما بل آورتگ ایشی ءِ مول ءُ مراد لس گچین کاری ءَ را ساپ ءُ سلہ جوڑ کنگ انت۔ گہتری کار کنگ حکومت ءِ کار انت، 50 سال ءَ ساپیں گچین کاری ءِ واستہ اچ کس ءَ کوشست نہ کتگ، ما 2013 ءَ الیکشن ءَ دھاندلی سہرا کنگ ءِ واستہ ایوک ءَ چار حلقہ پچ کنگ ءِ لوٹ کتگ ایشرا تسلیم کنگ نہ بوتگ ایشی ءِ ھلاپ ءَ ما 126 روچ ءَ دھرنا داتگ، جاک کتگ، چار حلقہ ءَ چہ مئے حکومت جوڑ بوھگی نہ بوتگ، مئے مول ءُ مراد ایش بوتگ کہ آیوکیں گچین کاری ءَ را ساپ ءُ سلہ ءَ گوں بہ بنت۔ مزن وزیر ءَ گوشت کہ 2018 ءَ پیسریگیں حکومت ءِ جوڑ کتگیں الیکشن کمیشن بوتگ بلے آئی ءَ دھاندلی ءِ بھتام ھم جتگ، مزن وزیر ءَ گوشت کہ سینیٹ ءِ الیکشن ءَ چے بوتگ درست زاناں، زر زورگ ءِ ویڈیو گندگ بوتگ انت بلے اچ نہ بوتگ، الیکشن کمیشن ءَ ھم اچ نوٹس نہ زرتگ۔ ایشی ءَ چہ اندازگ جنگ بیت کہ مئے اخلاقیات کجا پج اتگ۔ مزن وزیر ءَ گوشت کہ مافیاز اے وڑیں سسٹم ءَ نہ لوٹاں کہ آئی ءَ چہ آوانی زر چلئت مہ کناں ھمے ھاترا پارلیمان ءِ باسک ساپ ءُ سلہ ایں الیکشن ءِ برجائی ءِ واستہ کانود جوڑیشت ءَ کمک بکن انت۔
