اسلام آباد۔10نومبر (اے پی پی): شاہ آمید گس ءَ آرمی پبلک وانگ جاہ وئیل ءِ سرءَ وت زُرتگیں نوٹس کیس ءِ گوشدارگ پہ چارہفتگانی ھاترءَ مھتل کتگءُ حکومت ءَ چہ آیوکیں رمس ءَ رپورٹ لوٹ اِتگ۔ چارشمبے ءِ روچءَ چیف جسٹس گلزار احمد ءِ سروکی ءَ سے باسکی بینچ ءَ کیس گوشداشتگ۔ کیس ءِ گوشدارگ ءِ وہد ءَ آمید گیس ءِ نیمگ ءَ چہ توار کنگ ءَ مزن وزیر عمران خان آمید گسءَ پیش بوتگ۔ حال ء ُ اھیوال کاری ء ُ شنگکاری ءِ بنجاہی وزیر چوہدری فواد حسین، حال ء ُ اھیوال کاری ءِ ملکی وزیر فرخ حبیب ، تہی کارانی وزیر شیخ رشید احمد، حاسیں کمک کارعلی اعوان، بنجاہی وزیر علی زیدی ء ُ سینٹر عون عباس بپی ہم مزن وزیر ءِ ہمراہ بوتگ۔ کیس ءِ گوشدارگ ءِ وہد ءَ عمران خان ءَ روسٹرم ءَ اَتکگ ء َ گشتگ کہ وہدے کہ اے پی ایس پشاور ءِ وئیل بوتگ گڈا صوبہ ءَ مئے حکومت بوتگ، وئیل ءِ روچءَ پشاور ءَ شتگ اوں، نادراہ جاہ ءَ ٹپیگانی گوما ہم گپ ءُ تران کتگ، آئی ءَ گشت کہ ہرچی کہ حکومت ءِ دستءَ بوتگ آئی ءَ کتگ، درائیں سیاسی گلاں کست ءُ کینگ ءَ را یک نیمگے ءَ ایر کتگ ء ُ اے پی ایس ءَ پد نیشنل ایکشن پلان جوڑ کتگ۔ آئی ءَ گشتگ کہ ناشرکاری ءِ حلاپ ءَ ما جنگ ہمے ھاترءَ باج بُرتگ چیا کہ سرجمیں راج گوں فوج ءِ گوما ہم گام ء ُ ہم کوپگ بوتگ، مزن وزیر ءَ گشتگ کہ ما نیشنل انٹیلیجنس کوآرڈینشن کمیٹی جوڑ کتگ کہ اے درائیں جیڑہ آں چارگ ءَ اِنت۔
