کابل۔ 09 اپریل (اے پی پی ) اوغانستان نا سیکورٹی فورس آک چندی کارروائی تیٹی 80 عسکریت پسند آتا تپاخت کننگ نا داوا ئِ کرینو۔ اوغان میڈیا سیکورٹی عہدیدار آتا بابت پارینے کہ صوبہ قندوز نا دشت ارچی ضلع ٹی فضائیہ نا جلہو اٹی بیست ئُ چار طالبان تپاخت کرینو ہراٹی اوفتا اسہ سینئر کمانڈر اس ہم ارے۔ قندوز آپریشن اٹی تپاخت کروک آتیٹی بھلو کچ اس درملکی دہشت گرد آتا ئس۔ وزارت داخلہ تینا اسہ بیان اسے ٹی اوغان فوج انا کارروائی ٹی داعش نا 57 دہشت گرد آتا تپاخت کننگ نا داوا ئِ کرینو بیان نا رداٹ دا کارروائیک صوبہ لغمان، ارزگان ، ہلمند ، ننگرہار ، پکتیکا ، غزنی و سرائے پل اٹی کننگار۔ داکارروائی تیٹی سد آ بارودی سرنگ آتا ڈس ئِ خلسا اوفتے ہم ناکارہ جوڑ کننگا۔
