اسلام آباد۔ 10 نومبر (اے پی پی) بنجائی وزیر توانائی محمد حماد اظہر پارینےکہ مچ آ ملک اٹی متکن آ گیس انفراسٹرکچر نا سوب آن گیس لیکج نا ویل ءِ ایسر کننگ کن بروک آ تُو دا لین تا بحالی نا ڈٹ انا بناءِ کننگ اُن ہراڑآن بھلو حداسکان کراچی تون اوار ملک اناایلو شارتیٹی گیس پریشر اٹی کمتی نا ویل ایسر مریک۔ چارشنبے نادے آ قومی اسمبلی ٹی وقفہ سوج آتے ٹی سید حسنین طارق نا سوج اناورندی ٹی بنجائی وزیر محمد حماد اظہر پارے کہ سوئی ناردرن گیس انا یوایف جی 8.5 اسکان ایسونن، سوئی سدرن نا دا بابت حالیت آک است جم افس، اُراوالا صارف آتا کہول آ یو ایف جی نا کچ ودانے، گیس دُزی نا برخلاف گام گیج آتا بابت سندھ پولیس و ایلو ادارہ غاتا نظام نا گچینی کن سندھ حکومت تون رابطہ ٹی اُن، سوئی سدرن نا یو ایف جی 15.5 درسد اسکان سرمسنے، ہڑتوم آ گیس کمپنی تا دا پرخ بھاز زیات ءِ۔ فہیم خان نا سوج انا ورندی ٹی وزیر حماد اظہر پارے کہ گیس انا ویل انا ایسری کن ہڑتوم آ گیس کمپنی تے پارت کننگانے، گیس لیکیج نا چٹفنگ کن متکن آ لین تے گچین کننگے، بروک آ تُو آن دا پوسکن آ ڈٹ بناکیک، داڑآن کراچی تون اوار ملک انا ایلو شارتیٹی گیس انا ویل بھلو حداسسکان ایسر مریک۔
