اسلام آباد۔ 10 نومبر (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ ڈینگی اِڷ انا نشانی پاش مننگ آ تینے آن ہچ ءُ دوائی اسے کاریم اٹ اتنگپ خاص وڑاٹ ہمودوائیک ہرادتر ءِ تنَک کیر، ڈینگی پشتہ نا کُننگ آن تالان مریک۔ چارشنبے نادے آ تینا ویڈیو کلہو اٹی اوپارے کہ ڈینگی اِڷ انا نشانی پاش مننگ آن پد تینے آن سٹی ءُ دوائی کنپس بلکن ڈاکٹر آ دمدستی وڑاٹ چیک کرفر و ہمو دوائی ہرافک دتر ءِ تنَک کیرہ اوفتے کاریم اٹ اتنگپ ہراوڑ اسپرین یا بروفین۔ اوپارے کہ ڈینگی پشتہ نا کُننگ آن تالان مریک۔ بھاز اہم ءِ کہ نن تینے بچفنگ کن ہمو گام گیج آتے کن ہرافتے ٹی نن تینے پشہ نا کُننگ آن رکھ تخنگ کین۔ اوپارے کہ داہیت انا ہم خیال ءِ تخن کہ اُرانا داپار ایپار دیر سلنگ کن الیپن۔
