اسلام آباد۔9نومبر (اے پی پی):مزن وزیر عمران خان ءَ گوشت کہ پاکستان ءَ گوستگیں وھد ءَ دزئی ءُ کرپشن ءَ را پیسر ءَ ھراب پھمگ نہ بوتگ، مزن وزیر ٰءُ وزیر آں چہ کرپشن ءِ بندات بیت گڈا ایش جھل ءَ تاں شتگ، کرپشن ءَ چہ راج آنی اخلاقیات تباہ ءُ برباد بیت، ھر کس راستیں کشک ءَ اوشت ایت گڈا آئیءَ را کس کمتر مہ پھم ایت، ٹوھیں بنی آدم ھمابیت آئی ءِ واھشت مزن بہ بنت۔ انصاف نہ کنوکیں راج گار ءُ بیگواہ ءُ ھلاس بنت، نبی کریمﷺ ءَ وتی درورءَ چہ ریاست مدینہءَ اخلاقی شرپ ءَ را برز ءُ بلند کتگ،مارااسلامی شاہزانت آنی زندمان آناں وانگ ءُ زانگ لوٹ ایت، امیت انت کہ نوکیں اپسرگ ملک ءَ را شرپ مند ءُ بےمٹ جوڑ بکن انت۔ اے ھیالانی درشانی آئی ءَ سئےشمبےءِ روچ ءَ ایڈمنسٹریٹیو سروس ءِ 44 چیل ءُ چارمی ھاسیں کاری پروگرام ءِ پاسنگ آؤٹ پریڈءَ گوں گشتانک دیان ءَ کت۔
