اسلام آباد۔ 09 نومبر (اے پی پی) بنجائی وزیر ڈٹ بندی، شونداری و خصوصی گام گیج اسد عمر پارینے کہ ساڑی حکومت چندی ڈٹ آتے ترندی اٹ مون آ دننگ کن سنبرینگوک ءِ، حکومت نا گچین گام گیج آتا سوب آن گردشی وام تیٹی بھلو حداسسکان کمتی مسنے، سرکلر ڈیٹ ءِ کم کننگ آ خاص چکار تخسا ملک اٹی پاور سیکٹر اٹ اصلاحات کننگ انگ ءِ۔ داخیال آتا درشانی ءِ او سے شنبے نادے آ جہانی بینک انااسہ ڈل اس سویلی ایشیا نا ریجنل ڈائریکٹر انفراسٹرکچر گوانگزی چن نا کماشی ٹی اوڑدہی کرے۔ دیوان اٹی سیکرٹری پلاننگ حامد یعقوب شیخ و بڑزکو کمامدارآک ساڑی ئسر۔ اوڑدہی ٹی ورلڈ بینک انا کمکاری اٹ چلینگوک آ انفراسٹرکچر ، توانائی، کنوئی آ ساف دیر، نکاسی آب، تعلیم ، جان جوڑی نا بابت ڈٹ آتیا گپ وتران کننگا۔ کے۔4 ڈٹ انا ذکر ءِ کرسا وزیر پارے کہ کنوئی آ ساف دیر انا فراوانی و کراچی نا نکاسی آب نا نظام ءِ اپ گریڈ کننگ حکومت نا اولیت آتے ٹی اوار ءِ۔ بنجائی وزیر ڈل ءِ پارے کہ حکومتنا گچین گام گیج آتا سوب آن گردشی وام تیٹی بھلو حداسسکان کمتی مسنے۔ اوباور کرفے کہ حکومت سرکلر ڈیٹ ءِ کم کننگ آ خاص چکار کرسا ملک اٹی پاور سیکٹر اٹی اصلاحات نا خواہندار ءِ۔ اوداہیت انا درشانی ءِ کرے کہ حکومت راج انا نزور تپہ غاتا رکھ اکن پنجرجاتی اصلاحات، راجی خڑچ آتا رکھ و راجی رکھ انا نیٹ ورک ءِ مون آ دننگ کن پورو وڑاٹ سنبرینگوک ءِ۔ اوپاکستان نا بجلی نا فراوانی نا نظام نا ودکی و جدید کاری کن جہانی بینک انا کمکاری نا اہمیت آ پین زور شاغا۔ داوخت آ اگوانگزی چن پاکستان نا کوشست آتا ستاءءِ کرے و دساڑی حکومت نا توانائی نا اصلاحاتی ایجنڈانا مخ تفی ءِ کرے ہراٹی گردشی وام تا بست و بند و ٹک آن ودی مروک آ لائخی تا ودکی نا ڈٹ اوار ءُ۔ خلقی شونداری کن سڑک نا رابطہ نا اہمیت آ زور شاغسا، ڈٹ بندی نا وزیر داہیت آ زور شاغا کہ گچین روڈ نیٹ ورک جان جوڑی نا آسراتی و تعلیم کون آ راجی خذمت آتسکان رسینگ ءِ مون آ دیک۔ اوڑدہی ٹی او خیبرپختونخواٹی مسن تا تعلیم نا رداٹ و اوفتے فراوان کروک آ آسراتی تیاہم گپ وتران کرے۔ وزیر ڈل ءِ پارے کہ حکومت شماریات نا نظام ءِ پوسکن جوڑ کننگ و اودے ہائی فریکوئنسی ڈیٹاجنریشن نا قابل کننگ نا مسخت آن پاکستان بیورو آف سٹیٹسٹکس ءِ اول سرآن ٹہیفنگ آ کاریم کننگ ءِ۔ وزیر مستی پارے کہ ادارہ شماریات پاکستان اولیکو ڈیجیٹل مردم شماری 2023اس ہم اڈ ایتک۔
