این سی او سی ٹی دیوان، مچ آ ملک اٹی ویکسی نیشن مہم نا پیش رفت و آخبت اٹ گمانی گرج انا رداٹ ویکسین نا دوئی مننگ نا جاچ اس ہلنگا

اسلام آباد۔ 09 نومبر (اے پی پی) سے شنبےنادے آ این سی او سی ٹی مروک آ دیوان اٹی مچ آ ملک اٹی ویکسی نیشن مہم نا پیش رفت و آخبت اٹ گمانی گرج انا رداٹ ویکسین نا دوئی مننگ نا اسہ جامع جاچ اس ہلنگا، دیوان اٹی چیئرپرسن این سی او سی بنجائی وزیر شونداری و ڈٹ بندی اسد عمر نیشنل کوآرڈنیٹر این سی او سی میجر جنرل ظفراقبال و وزیراعظم نا خصوصی کمکار جان جوڑی ڈاکٹر فیصل سلطان ئسک بشخ ہلکر۔ کورونا ناجوڑی نا چارٹ انا ساڑی سوگوی آ است جمی نا درشانی ءِ کرسا فورم این پی آئیز نا زموارانہ تعمیل نا بابت الس نا ستاءِ کرے ہراانفرادی و اجتماعی رکھ و آسودہی ءِ پک کننگ اٹ کمک کریر۔ فورم فرنٹ لائن ہیلتھ کیئر ورکرآتے ہم خراج تحسین پیش کرے ہرافتے ٹی ڈاکٹر پیرامیڈیکس و نرسنگ اسٹاف اوار ءُ ہرا ایلوفتے مہلک کورونا دین انا خطرہ غاتیان بچفنگ کن تینا جون تے خطرہ ٹی بٹنگ ءُ۔ فورم تنکی نا بابت ابلاغ اٹ اہم کڑد و درکار السی ردعمل ودی کننگ کن بھلو کچ اسے آ بیداری ودی کننگ کن میڈیانا ہم ستاءِ کرے۔ فورم ٹیلی کمیونیکیشن کمپنی، عالم دین و ایلو اسٹیک ہولڈر آتا کمکار کڑد ءِ ہم امنا کرے ہرا پاکستان ءِ کورونا دین انا بھسکاری تیان بچفنگ اٹ کمک کن ہمووخت آ مون آ بسر ہراتم دین ڈیہہ ءِ تینا پلویڑ اٹی ہلکوسس۔ ویکسی نیشن نا نظام نا نفاذنا ستاءِ کرسا چیئرپرسن این سی او سی غٹ بنجائی اکائی تیا زور شاغا کہ او ساڑی حالیت آتیان است جم اسل مفس انتئے کہ خطرہ داسکان چٹتنے۔ فورم کورونا ویکسین نا اولیکو خور خلفوک آتے ارٹ میکو خور خلفنگ کن انتظامیہ ءِ پارت جاری کننگاکہ ارٹ میکو خور خلنگ ناعمل ءِ ترند کننگے تانکہ مخلوق نا قوت مدافعت نا کہول ءِ ودفنگ مرے۔