علامہ اقبالؒ تینا شاعری، سوچ و فکر اٹ برصغیر نا مسلمان تے اسہ کسراسے آ درے، وزیراعلیٰ بلوچستان

کوئٹہ۔ 09 نومبر (اے پی پی) وزیراعلیٰ بلوچستان میر عبدالقدوس بزنجو نا علامہ اقبالؒ نا ودی دے انا وخت آ کلہو ترسا پارے کہ او تینا شاعری ، سوچ و فکر اٹ برصغیر نا مسلمان تے اسہ کسر اسے آ گامزن کرے۔ علامہ اقبالؒ مسلمان تاسیوت و یکجہتی نا بھاز بھلو داعی اس ئس۔  اوپارے کہ مفکر پاکستان نا نظریہ پاکستان مسلمان تیا ہمو احسان ءِ ہرادے قوم اسُل فراموش کننگ کپک، اینو مچ آ قوم مفکر اسلام و عظیم فلسفی شاعر علامہ محمد اقبال ءِ پبی خراج عقیدت پیش کننگ ءِ۔ علامہ اقبالؒ ءِ برصغیر نا مسلمان تیکن جتا ءُ وطن اسے نا تصور پیش کننگ آ مدام یات تخنگک۔ علامہ اقبالؒ نا شاعری و فکر آ عمل کننگ اودے خراج تحسین پیش کننگ نا گچین ءُ وڑاسے اوپارے کہ علامہ اقبال نا رغاموک آتیان ننے اسلام نا حقی کلہو ءِ پہہ مننگ اٹ کمک ملک۔ اوپارے کہ شاعر مشرق مدام مسلمان تے اسہ ایلو تون سیوت، سخاو عمل نا پارت کرے۔ وزیراعلیٰ بلوچستان میر عبدالقدوس بزنجومستی پارے کہ بحیثیت قوم اینو نادے قول انا پوسکنی نادے ءِ کہ نن علامہ اقبال نا نظریہ غاتے تینا کسر نا ڈیواکین۔