لاہور۔ 09 نومبر (اے پی پی) قومی شاعر حکیم الامت ڈاکٹر علامہ محمد اقبال نا 144 می ودی دے انا رداٹ لاہور اٹی اقبال نا مزار آ گارڈآتا بدلی نا دود اس اڈ ہلک ہراٹی پاک بحریہ نا دستہ اعزازی گارڈ آتا زمواری ءِ سنبھالا۔ داوخت آ پاک بحریہ نا اسٹیشن کمانڈر لاہور کموڈور عامر اقبال خان دادود انا مہمان خاص ئس۔ ہندادے انا رداٹ ڈائریکٹر جنرل پنجاب رینجرز میجر جنرل سید آصف حسین و جی او سی لاہور میجر جنرل شہباز خان اقبال نا مزار آ حاضری تسر ، اوفک مزار آ پھل آتا چادرا س تخار و دعاپاتیا و ملکی شونداری کن دعا کریر۔ ڈی جی رینجرز و جی او سی میجر جنرل شہباز خان مہمان تا کتاب اٹی تینا تینا تاثرآتے نوشتہ کرسا علامہ اقبال ءِ زبردست لوز آتے ٹی خراج تحسین پیش کریر۔ گورنر پنجاب چوہدری محمد سرو ہم اقبال نا مزار آ حاضری تس، پھل آتا چادرا س شاغا و دعا پاتیا و وطن عزیز نا شونداری و سلامتی کن دعا کرے۔ گورنر مہمان تا کتاب اٹ تینا تاثر آتے نوشتہ کرے و زبردست لوز آتے ٹی ڈاکٹر علامہ اقبال ءِ خراج تحسین پیش کرے۔ صوبائی وزیر صنعت و واپار میاں اسلم اقبال ہم اقبال نا مزار آ حاضری تس، پھل آتا چادراس شاغا و دعاپاتیا کرے، اومہمان تا کتا ب اٹ تینا تاثرآتے ہم نوشتہ کرے۔
