حکومت یخ انا موسم اٹ بجلی نا صارف آتے کن خصوصی پیکج آ عملدرآمد نا بناءِ کرے، نومبر 2021 آن فروری 2022 ہرودکی یونٹ نا نہاد 12.96 روپئی مقرر

اسلام آباد۔ 09 نومبر (اے پی پی) حکومت یخ انا موسم اٹ بجلی نا صارف آتے کن خصوصی پیکج آ عملدرآمد نا بناءِ کرینے۔ وزارت توانائی نا حوالی نا رداٹ یخ انا موسم نومبر 2021 آن فروری 2022 اٹی تدوک آ سال انا ہندا وخت انا مقابلہ ٹی کاریم اٹ اتوک ہر ودکی یونٹ نا نہاد بیرہ 12.96 روپئی مقرر کننگانے۔ اُرائی صارف آتے کن 11.37 روپئی فی یونٹ، کمرشل صارف آتے کن 11.98 روپئی فی یونٹ و جنرل سروس کن 7.94 روپئی فی یونٹ اسکان رعایت تننگانے۔ داوخت اٹی ودکی کاریم اٹ اتنگ آ ہچ ءُ سہ ماہی ایڈجسٹمنٹ اس لاگو مفک ۔