نبی پاک صلی اللہ علیہ و آلہ وسلم نا جند آب اٹنگا اخلاق نا بڑزکو کہولی مثال اس ٹہیفسا ریاست مدینہ نا اخلاقی قدر ءِ گچین و بڑز کرے ، وزیراعظم عمران خان نا ٹویٹ

اسلام آباد۔ 08 نومبر (اے پی پی) وزیراعظم عمران خان پارینے کہ نبی پاک صلی اللہ علیہ و آلہ وسلم تینا بڑزکو اخلاقی آب انا بنداو آ ریاست مدینہ نا اخلاقی آب ءِ بڑز کرے۔ دوشنبے نادے آ تینا ٹویٹ اٹی وزیراعظم عمران خان پارے کہ نبی کریم صلی اللہ علیہ و آلہ وسلم نا جند آب اٹنگا اخلاق نا بڑزکو مثال (صادق و امین) ٹہیفے و ولدا ہندا بنداو آ ریاست مدینہ نا اخلاقی آب ءِ بڑز کرے ہرادنیا نا گچین آ تہذیب جوڑ مس۔ وزیراعظم رومن دانشور’’سکیپیو‘‘ نا قول اس ہم نقل کرے ہراٹی اوپارے کہ اسہ راج اس ہم اخلاقیات آن بیدس ٹہیفنگ مفک۔