این سی او سی نا دیوان، 18 سال انا وئی نا طالب علم آتا ویکسی نیشن آ است جمی نا درشان

اسلام آباد۔ 08 نومبر (اے پی پی) این سی او سی نا دیوان چیئرپرسن این سی او سی نا کماشی ٹی مس۔ بنجائی وزیر شونداری و ڈٹ بندی اسد عمر و نیشنل کوآرڈنیٹر این سی ا وسی میجر جنرل ظفراقبال سیشن نا کماشی ءِ کریر۔ فورم ءِ مچ آ ملک اٹی ماس ویکسی نیشن مہم نا پیش رفت آن معلومدار کننگا۔ غٹ بنجائی اکائی تیٹی 12 آن 18 سال انا وئی نا طالب علم آتا ویکسی نیشن آ است جمی نا درشانی ءِ کرسا فورم اسکول انتظامیہ و لمہ و باوہ غاتسکان رسینگ تون اوار اوار گچین ویکسی نیشن کن ہرممکن آسراتی فراوان کننگ آ زور شاغا۔ فورم انتظامیہ ءِ ہمو بندغ ہرافتے کورونا ویکسین نا اسہ خور لگانے اوفتے ارٹ میکو خور ہم خلنگ آ ہم زورشاغا۔ چیئرپرسن این سی او سی کوویڈ۔ 19 نا مثبت بیٹ کچ ءِ کم کننگ و الس نا رکھ و آسراتی ءِ ودفنگ کن ویکسی نیشن نا المی نظام ءِ نافذ کننگ کن غٹ اسٹیک ہولڈر آتا ہم آہنگی نا کوشست آتا ستاءِ کرے۔