اسلام آباد۔ 08 نومبر (اے پی پی) بنجائی وزیر حوالکاری و شینکاری چوہدری فواد حسین پنی آ ڈھول نواز پپو سائیں نا کزیت آ است ہسونی نا درشانی ءِ کرینے۔ دوشنبے نادے آ تینا اسہ ٹویٹ اسے ٹی پپو سائیں نا کزیت آ ہڑزخواہی کرسا اوایماندار نا درجہ غاتا بڑزی کن دعا کرے کہ اللہ رحمت کے۔ بنجائی وزیر حوالکاری پارے کہ ہراتم اولیکو وار شاہ جمال اٹ پپو سائیں نا ڈھول ءِ بنگٹ تو کنے سمجھ بس کہ متکن آ زمانہ ٹی فوج آک اسہ ایلو نا مون آ بسرہ تو ڈھول و ڈھول خلوک آتا انت اکن و اخس اہم ءُ کڑد اس ئس۔ تینا ٹویٹ اٹی بنجائی وزیر حوالکاری پپو سائیں نا ڈھول خلسا ویڈیو نالنک ءِ ہم شیئر کرے و اوڑکن دعاتا درخواست کرے۔
