اسلام آباد۔7نومبر (اے پی پی): مزن وزیر عمران خان ءَ گوشت کہ کورونا ءِ بندش آنی سبب ءَ میاں تک ءَ ھمروچگیں وردنی سامان آنی تہ ءَ گران بھائی پاکستان ءِ نسبت ءَ گہتر بوتگ انت۔ مزن وزیر عمران خان ءَ یک شمبے ءِ روچ ءَ وتی ٹویٹ ءََ گوشت کہ میاں اوستمانی تک ءَ ھمروچگیں سامان آنی تہ ءَ گیشی ءَ چہ دگنیا ءِ گیشتریں ملک کورونا لاک ڈائون ءِ نتیجگ ءَ سک باز آماچ بوتگ انت بلے پاکستان ماشاء اللہ گہتر انت۔ مزن وزیر ءَ مشیر ھزانگ ءِ ترجمان مزمل اسلم ءِ یک ویڈیو کلپ ءِ شیئر کت ایشی ءِ تہ ءَ پاکستان ءِ معیشت ءِ بابت ءَ بازیں لیکہ آناں رد کنگ بوتگ۔ مزمل اسلم ءَ فوڈ اینڈ ایگریکچر آرگنائزیشن ءِ ھساب ءُ داد آنی ھوالگ ءَ دیان ءَ گوشت کہ اے سال ستمبر ءَ چہ اکتوبر ءَ تاں ھمروچگیں سامان آنی نیاد ءِ تہ ءَ 1.9 درسد، ورلڈ سیریل انڈیکس ءَ 3.2 درسد ، ٹیل ءِ نیاد ءِ تہ ءَ 9.6 درسد ءُ ڈیری سامان آنی تہ ءَ نیاد 2.6 درسد گیشی بوتگ۔ مزمل اسلم ءَ گوشت کہ میاں اوستمانی تک ءَ افراط زر ءِ تہ ءَ گیشی ءَ ابید اکتوبر ءَ پاکستان ءِ برآمدات آنی تہ ءَ 17 درسد گیشی ریکاٹ کنگ بوتگ ءُ اے سال ءَ اے 30 بلین ڈالر ءَ تاں پجگ ءِ امیت انت۔ اے سال ٹیکسٹائل ءِ برآمدات 22 ارب ڈالر ءَ تاں پجگ ءِ امیت انت۔
