لاہور۔7نومبر (اے پی پی): مزن وزیر ءِ ھاسیں کمکار برائے سیا سی رسانک ڈاکٹر شہباز گل ءَ گوشت کہ اے وھد ءَ سرجمیں دگنیا ءَ گران بھائی ءِ آماچ انت ءُ دگنیا ءِ ٹوھیں ٹوھیں ملک گوستگیں 50 سالی گران بھائی ءِ ریکاٹ پروشگ ءَ انت، اے وھد ءَ پڑ ءَ درستاں چہ گیش سستائیں پٹرول پاکستان ءَ رسگ ءَ انت۔ شوگر مافیا ھمک دور ءَ بلیک میل کتگ، بدبھتی ءَ وھد ءِ ایشانی سر ءَ کانود جناں گڈا آ آمید گس ءَ چہ آرڈر کاراں، سندھ ءَ ملک دژمنی ءِ ثبوت دات ءُ انوگ ءَ تاں شوگر مل چلگ ءَ نہ انت، اگاں سندھ ءِ شوگر مل وھد ءِ سر ءَ بہ چل اتین انت گڈا ڈکالی پیداک نہ بوتگ ات۔ یک شمبے ءِ روچ ءَ پریس انفارمیشن ڈیپارٹمنٹ پریس کانفرنس ءَ گوں گشتانک دیان ءَ آئی ءَ گوشت کہ پاکستان ءِ 60 لکھ ٹن شکر ءِ ضلورت بیت۔
