اسلام آباد۔6نومبر (اے پی پی): مزن وزیر عمران خان ءَ گوشت کہ پاکستان ورنا آنی ملک انت چیا کہ مئے آباتی ءِ 68 درسد بھر 30 سال ءَ چہ کم امبر ءِ مردم آنی انت، ما ورنا آنی اے ٹوھیں کساس ءَ را ملک ءُ راج ءِ واستہ یک بے دروریں سرمایہ ءِ رنگ ءَ مٹ کنگ ءِ واستہ ترند ءَ چہ ترندتریں کوشست کنگ ءَ آں، تانکہ گہتریں وانگ ءُ زانگ ءُ بلدکاری ءِ وسیلگ ءَ آوانی کار رپک ءِ تہ ءَ گیشی کنگ بوت بہ کنت۔ آئی ءَ گوشت کہ ورنا کجام ھم چاگرد ءِ دیمروئی ءِ اسلیں کوھنڈگ بنت۔ شمبے ءِ روچ ءَ مزن وزیر عمران خان ءَ گوں ھاسیں کمکار برائے ورنا آنی کار محمد عثمان ڈار ءَ گند ءُ نند کت۔ اے موہ ءَ عثمان ڈار ءَ دو سالی کار کردی رپوٹ ھم پیش کت۔
