فیصل آباد ۔6نومبر (اے پی پی):وزیر مملکت ا ھوالکاری ءُ شنگ کاری فرخ حبیب ءَ گوشت کہ حکومت ءِ گیش بوھوکیں گران بھائی ءَ چہ پیداک بوھوکیں جاور ھال آنی بابت ءَ شر ءُ جوانی ءَ سرپدی انت ھمے ھاترا حکومت کم آمدنی والا ءُ گریبیں مردم آناں گران بھائی ءِ فیز ءَ چہ رکھینگ ءِ واستہ گیشاں چہ گیش گامگیج کنگ ءَ انت، اے رد ءَ 1 کروڑ کلدار 20 لکھ ھاندان آںاں احساس راشن کاٹ ءِ پجاری ءِ واستہ 120 ارب کلدار ءِ زر گیشینتگ انت ایشی ءِ چیر دستی ءَ آرت، ڈال، روگن، دان، شکر، ءُ ایندگر سامان مارکیٹ ءَ چہ 30 درسد سستا پجاری کنگ بنت، انچو ش کہ میاں اوستمانی تک ءَ گران بھائی ءِ تہ ءَ کمیگ بیت ما زوتاں زوت قیمت آناں کم کناں ءُ الس ءَ را ھمک رنگیں ریلیف پجاری کناں۔ شمبے ءِ روچ ءَ شام ہلال احمر ءِ چیر دستی ءَ کورونا ھوپ ءِ ساھت ءَ جوانیں کار کرد پیش داروکیں مردم آناں سرٹفیکٹس ءِ بھر ءُ بانگی مراگش ءِ موہ ءَ میڈیا ءَ گوں تران کنان ءَ کت۔
