اسلام آباد۔ 05 نومبر (اے پی پی) وزیراعظم عمران خان اینو( جمعہ نادے آ) ضلع اٹک نا دورہ ءِ کیک۔ وزیراعظم آفس نا میڈیا ونگ آن جاری بیان نا رداٹ ضلع اٹک نا 20 لکھ ہنکینی و ایب وکیب انا علاقہ خاص وڑاٹ زالبول آتے آب اٹ جان جوڑی نا آسراتی فراوان کننگ کن وزیر اعظم پوسکن آ آسراتی تیان شپ زچہ بچہ ہسپتال نا بنداو ءِ تخک۔ حکومت پنجاب 200 کٹ انا دا ہسپتال ءِ 2 سال انا مد اٹی پورو کیک ہراڑآ 5.3 ارب روپئی خڑچ بریک۔ بنجائی حکومت ڈٹ اکن نیمہ زر(2.66 ارب روپئی) صوبہ پنجاب ءِ جاری کرینے۔ وزیراعظم اٹک آن گچین مروک پارلیمنٹ نا باسک و پی ٹی آئی سرکڑدہ غاتون اوڑدہی کیک۔ وزیراعظم السی مچی آن تران ہم کیک۔
