اٹک۔ 05 نومبر (اے پی پی) وزیراعظم عمران خان جمعہ نادے آ اٹک اٹی پوسکن آ آسراتی تیان شُپ زچہ بچہ ہسپتال نا بنداو ءِ تخا۔ وزیراعظم آفس نا میڈیا ونگ آن جاری بیان نا رداٹ زچہ بچہ ہسپتال آن ضلع اٹک نا20 لکھ ہنکینی خاص وڑاٹ زالبول آتے آب اٹ جان جوڑی نا آسراتی دُوبریک۔ پنجاب حکومت 200 کٹ آتیا تالان دا زچہ بچہ ہسپتال ءِ 2 سال انا مد اٹ پورو کیک۔ ہندا ڈٹ انا کل خڑچ 5.3 ارب روپئی ءِ ہراڑکن نیمہ زر 2.66 ارب روپئی بنجائی حکومت صوبہ پنجاب ءِ جاری کرینے۔
