اسلام آباد۔ 05 نومبر(اے پی پی) سینیٹ ءِ پاننگانے کہ اسلام آباد نا سیکٹر ایف 14 وایف 15 ٹی 8663 بندغ ءِ پلاٹ الاٹ کننگانے و اوفتے رضامندی نا چٹھی جاری کننگانے۔ جمعہ نادے آ بڑزکو ایوان اٹی وقفہ سوج آتے ٹی سینیٹر ولید اقبال، دوست محمد خان و نصیب اللہ بازئی نا سوج انا ورندی ٹی وزیر مملکت ہاؤسنگ اینڈ ورکس محمد شبیر علی پارے کہ پلاٹ آتا دوئی کننگ کن رجسٹریشن نا مہم 2005 و 2009 اٹی چلیفنگاسس، داسہ پلاٹ آتا الاٹمنٹ آن پد الاٹی تے پلاٹ ملنگ بناکرینے، ہرکیٹیگری ٹی رجسٹرڈ بندغ آتے پلاٹ الاٹ کننگانے وخت اس کہ 27 ہزار کنال ڈغار نا پین پیش کش کننگانے ہرا درخواست آک ویٹنگ لسٹ اٹی ءُ و رجسٹرڈ ءُ، اوفتے واری نا رداٹ بروک آ اسکیم تیٹی پلاٹ الاٹ کننگک۔
