اسلام آباد۔ 05 نومبر (اے پی پی) بنجائی وزیر حوالکاری و شینکاری چوہدری فواد حسین پارینے کہ سندھ آن سوشل میڈیا غا ہراپدریسہ واقعہ غاک بننگ ءُ ، ہندن لگک کہ سندھ اٹی کانود نا ہچ ءُ اہمیت اس سلتنے۔ جمعہ نادے آ تینا ٹویٹ اٹی او پارے کہ صحافی عزیز میمن نا خون مرے، واکدار مخلوق نا شکار نا ویڈیو و داسہ لاچار زالبول نا خون، بلاول صاحب داانت مننگ ءِ؟ نماخڑک انا مخلوق داواقعہ غاتے ٹی اوار ءُ، داوڑانسانیت ءِ لتاڑپہ۔
