اسلام آباد۔ 05 نومبر (اے پی پی) ٹین بلین ٹری سونامی پروگرام آ ہرچار آ صوبہ بشمول گلگت بلتستان و آزاد کشمیر نا محکمہ جنگلات و وائلڈ لائف محکمہ غاتا کنڈآن عملدرآمد برجاءِ۔ جمعہ نادے آ بڑزکو ایوان نا دیوان اٹی وقفہ سوج آتے ٹی سینیٹر ذیشان خانزادہ نا سوج انا ورندی ٹی وزارت موسمیاتی بدلی نا کنڈآن نوشتہی ورندی ٹی پاننگاکہ پنجاب اٹی است خواہی ہلوک آ کشارگر آتے اِراروپئی آ فی نیال و 50 پیسہ فی سٹمپ نا رپورٹ پرائس آ نیال آتے بشخنگک وخت اس کہ سلہہ بند فوج ءِ شجرکاری کن نیال مفت فراوان کننگک۔ سندھ اٹی نیال آتا بشخنگ و گڈنگ و فارم مالک و ایلو است خواہی تخوک آتے 10 بلین ٹری سونامی پروگرام نا رداٹ 5 روپئی فی نیال نا کچ اٹ رعایتی نہاد آ فراوان کننگک، سلہہ بند فوج ءِ شجرکاری کن مفت فراوان کننگک۔ 10 بلین ٹری سونامی پروگرام نا رداٹ بلوچستان اٹی محکمہ جنگلات الس، سلہہ بند فوج و تعلیمی ادارہ غاتے ٹی نیال مفت بشخنگک۔ نیال آتا مفت بشخنگ اے جے اینڈ کے ٹی ٹین بلین ٹری سونامی پروگرام نا رداٹ محکمہ جنگلات فارم مالک و سلہہ بند فوج ءِ گرج انا بنداو آ جنگلی، میوہ دار و نمائشی غیر سرکاری تنظیم و سرکاری ادارہ غاتے فراوان کیک۔ گلگت بلتستان اٹی ڈغار مالک، انفرادی کشارگر، سلہہ بند فوج، سرکاری محکمہ و تعلیمی ادارہ غاتے نیال مفت فراوان کننگک۔
