اسلام آباد۔ 05 نومبر (اے پی پی) آزاد جموں و کشمیر پریس فاؤنڈیشن نا بورڈ آف گورنرز نا گچین کاری 23 نومبرآ مریک، بورڈ آف گورنرز نا گچین کاری تیٹی بشخ ہلوک آ اومیتدار آتا گڈیکو فہرست 13 نومبر آ جاری مریک۔ گچین کاری تیکن حتمی ووٹرلسٹ جاری کننگانے۔ پندار کاغد آتا جانچ پڑتال و اعتراض آتا بابت فیصلہ کن 10 نومبر نا وخت ءِ مقرر کننگانے۔ اومیتدار آتا غیرحتمی فہرست 11 نومبرآ جاری کننگک۔ کاغد آتا پدی کن 12 نومبر نا تاریخ ءِ مقرر کننگانے وخت اس کہ 13 نومبرآ اومیتدار آتا حتمی فہرست جاری کننگک۔ آزاد کشمیر نا جلہو اضلاع و راولپنڈی اسلام آباد اٹی جوڑ محکمہ حوالکاری نا دفترآتے ٹی پولنگ 23 نومبر نا سہب انا 10 بجہ غا بیگہ نا 4 بجہ اسکان مریک۔ گچین کاری نتیجہ غاتا پڑو ءِ 25 نومبر آ دے انا 11 بجہ غا مظفر آباد اٹی کننگک۔
