اسلام آباد۔ 05 نومبر (اے پی پی) بنجائی وزیر بین الصوبائی رابطہ ڈاکٹر فہمیدہ مرزا چیف آف آرمی اسٹاف پاکستان اوپن انٹرنیشنل تائیکو انڈوچیمپیئن شپ انا بناءِ (پگہ) ہفتہ نادے آ کیک۔ پاکستان تائیکو انڈوفیڈریشن چیف آف آرمی اسٹاف پاکستان اوپن انٹرنیشنل تائیکو انڈوچیمپیئن شپ 6 آن 8 نومبر اسکان لیاقت جمنازیم، اسلام آباد اٹی مریک۔ پاکستان تائیکو انڈوفیڈریشن (زالبول ونگ) انا صدر صباح شمیم جدون پارے کہ چیمپیئن شپ اٹی مہماندار پاکستان آن بیدس 15 ملک آتا 550 گوازی گر و آفیشل بشخ ہلنگ ءُ۔ ہرافتے ٹی اوغانستان ، البانیہ، نیپال ، اردن ، قازقستان ، عمان، مصر، ایران، ترکی، مراکش، متحدہ عرب امارات (یواے ای) ، ایل سلواڈور، کروشیاو ڈبلیو ٹی ریفیوج اوار ءُ۔ گڑاس ٹیم تا نرینہ ونیاڑی گوازی گر ایونٹ اٹی بشخ ہلنگ کن اسلام آباد آ سرمسنو۔
