اسلام آباد۔4نومبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ کارواباری زالبول ملکی دیمروئی ءَ ارزشتی ایں کرد ءِ پیلو کت کنت، زالبول آناں معاشی چست ءُ ایر آنی تہ ءَ بھر زوری ءَ ابید دیمروئی کت نہ کنت، کوچگ ءِ رد ءَ شہر آنی تہ ءَ گران بھائی ءِ جیڈھ است انت، 1100 ارب کلدار ءِ رورل اکانومی ءَ ٹرانسفر بوتگ انت ایشی ءِ سبب ءَ مرچی کوچسگ آنی تہ ءَ مردم گیش وشھال انت، مارا گران بھائی ءِ مقابلہ کنگ ءِ واستہ آمدنی ءِ تہ ءَ گیشی کنگ لوٹ ایت، اے ھیالانی درشانی آئی ءَ پنچ شمبے ءِ روچ ءَ فنکا مائیکرو فنانس بینک ءِ چیر دستی ءَ مراگش ءَ گوں گشتانک دیان ءَ کت۔ بنجاھی وزیر اھوالکاری ءُ شنگ کاری ءَ گوشت کہ زالبول مئے آباتی ءِ پنجاھ درسد بھر انت، اگاں آباتی ءِ یک ٹوھیں بھر ءِ کار کت نہ کنت گڈا ملک دیم ءَ جنزت نہ کنت۔ آئی ءَ گوشت کہ مرارا معاشی چست ءُ ایر آنی تہ ءَ زالبول آناں بھر زوری کنگ لوٹ ایت، گڈا اے ملک دیمروئی کت کنت۔ چوہدری فواد حسین ءَ گوشت کہ بلدکار ءُ وانندگیں زالبول وتی کمپنی جوڑ کت کناں، آوانی واستہ فنانس ءِ آسراتی پجاری انت، حکومت ھم بازیں پروگرام آنی تہ ءَ زالبول آناں مالی کمک پجاری کنگ ءَ انت، بنجاھی وزیر اھوالکاری ءُ شنگ کاری ءَ گوشت کہ نوکیں احساس پروگرام ءَ پنچ لکھ کلدار ءَ تاں وام پجاری بیت، آئی ءَ گوشت کہ زالبول وت کاروبار کت کناں۔ آئی ءَ گوشت کہ مزن وزیر ءَ ریلیف پیکیج داتگ، آئی ءِ مول ءُ مراد 31 ہزار کلدار ءَ چہ کم آمدنی والا ایں مردم آناں آرت ، ڈال ءُ روگن ءِ سر ءَ 30 درسد سبسڈی دیگ انت۔
