اسلام آباد/پشاور۔4نومبر (اے پی پی):صدر مملکت ڈاکٹر عارف علوی ءَ گوشت کہ حکومت ءِ کامیات ورنا پروگرام ءُ انصاف روزگار سکیم وڑیں وام اسکیم ءَ چہ الس ھاسیں رنگ ءَ زالبول ءُ ورنا آناں سیت مند کنگ ءِ واستہ آئی ءِ سروکی ءِ ضلورت انت۔ صوبائی حکومت آنی چیمبر آف کارمرس اینڈ انڈسٹری ءِ گوما یکجائی ءَ ورنا حکومت ءِ وام ءِ سکیم آنی بابت ءَ زانت ءُ سرپدی سہرا بکن انت تانکہ ورنا آنی واستہ روزگار ء، موہ پیداک کنگ ءِ گوما آوانی کاروبار برجا کنگ بوت بہ کنت۔ ایوان ءِ صد رءِ پریس ونگ ءِ رد ءَ صدر ءِ مملکت ءَ اے ھیالانی درشانی پنچ شمبے ءِ روچ ءَ سر وزیر گس پشاور ءَ کیبر پختونخوا حکومت ءِ کار کرد ءِ بابت ءَ بریفنگ ءِ ساھت ءَ کت۔ دیوان ءَ سر وزیر خیبر پختونخوا محمود خان، صوبائی وزیر ءُ خیبر پختونخوا حوکتم ء، مزن تکی کارندہ آں بھر زوری کت۔ صدر ءِ مملکت ءَ گوشت کہ سرمایہ کار آناں دلگوش کنگ ءِ واسزتہ صوبگ آنی تہ ءَ کاروبار کنگ ءَ گیش آسانی پیداک کنگ ءِ ضلورت انت۔
