سکالرز  چاگرد ءِ  پگری آشوب ءِ واستہ  رھشونی کناں، مزن وزیر عمران خان  ءِ اکادمی ادبیات  پاکستان ءَ   ’’ایوان اعزاز‘‘  ءِ بنگیج  ءِ موہ ءَ مراگش ءَ گوں گشتانک

اسلام آباد۔4نومبر  (اے پی پی): مزن وزیر عمران خان  ءَ  گوشت کہ  ورنایں باھند  آنی راستیں کشک ءَ رھشونی ءِ ضلورت انت،  کرپشن ءَ چہ چاگرد  پروش ءِ آماچ بنت،  شکالرز راج ءِ سروکی ءَ کن انت، مرچیگیں پاکستان  ءَ اسکالرز آنی باز ضلورت انت، مرچی ورنائیں باھند  سوشل میڈیا ءِ   جاک کنوک جوڑ  انت، رحمتہ اللعالمین اتھارٹی ءِ برجائی ءِ مول ءُ مراد  ورنا آناں رول ماڈل پجاری کنگ انت، سکالرز چاگرد ءِ پگری آشوب ءِ واستہ  سروکی کن انت۔ اے ھیالانی درشانی   آئی ءَ پنچ شمبے ءِ روچ ءَ    اکادمی ادبیات پاکستان “ایوان اعزاز” ءِ بنگیج ءِ موہ ءَ مراگش ءَ گوں گشتانک دیان ءَ کت۔ مزن وزیر ءَ گوشت کہ  مسلمان آنی تاریخ ءِ  جوانیں دور ءُ باریگ  ءَ مسلمانیں ازمکار ءُ زانتکار آنی ٹوھیں شرپ ءِ بوتگ۔ البیرونی ءُ ابن بطوطی وڑیں زانتکار   ھمے دور ءُ  باریگ آنی انت  آوانی شرپ ءُ ازت ھمک جاہ ءَ کنگ بوتگ،   وھد ءِ  یک سیویلائزیشن ءِ دیمروئی کنگ ءَ بیت گڈا  آئی رول ماڈل  زانتکار ءُ شاھوکاریں مردم بنت۔  ءُ  راج ءِ قبلہ  ءَ را  راستیں نیمگ ءَ   کن انت۔  زانتکار آنی  ارزشت ءِ کمیگ ءِ سبب ءَ سیویلائزیشن ڈکالی ءِ آماچ بنت۔   روبرکت ءِ سبب ءَ  ما زاتنکار آنی    برز ءُ بلند بوھگ ءُ  جھل کپگ دیستگ۔  آئی ءَ گوشت کہ  سکالرز  چاگرد ءِ  پگری آشوب ءِ واستہ  رھشونی کناں۔