اسلام آباد۔ 04 نومبر (اے پی پی) وزیراعظم عمران خان پارینے کہ حکومت کاروبار اٹ آسانی نا پالیسی نا رداٹ درملکی زرکارآتے غٹ ممکن آسراتی فراوان کننگ ءِ۔ وزیراعظم میڈیا آفس آن جاری بیان نا رداٹ وزیراعظم تون سلاہکار خزانہ شوکت فیاض ترین و سلاہکار واپار عبدالرزاق داؤد اوڑدہی کریر۔ سلاہکار خزانہ وزیراعظم ءِ جم زرگزرانی حالیت آتا بارواٹ معلومدار کرے۔ سلاہکار واپار وزیراعظم ءِ تینا ساڑی آ ترکمانستان دورہ نا بارواٹ معلومدار کرے۔ اوڑدہی ٹی سلاہکار واپار نا ایران نا گمانی دورہ غاہم گپ وتران مس۔ وزیراعظم ڈیہہ نا ملک آتون واپاری رابطہ غاتے سوگو کننگ آ زور شاغا ہراڑآن برآمد آتے ودفنگ اٹ کمک رسینگک۔ وزیراعظم پارے کہ حکومت کاروبار اٹ آسانی نا پالیسی نا رداٹ درملکی زرکارآتے ہرممکن آسراتی فراوان کننگ ءِ۔
