اسلام آباد۔ 04 نومبر (اے پی پی) چیئرمین سینیٹ محمد صادق سنجرانی پارینے کہ دیوالی نا وخت آ غٹ ہندو کمیونٹی ءِ مبارکبادی ایتیوہ، ہندو برادری نا پاکستان نا شونداری ٹی اہم ءُ کڑد اسے،م بین المذاہب ہم آہنگی و شرف نا کمک اٹ نن شونداری نا عمل ءِ ترند کننگ کینہ۔ پنچ شنبے نادے آ دیوالی نا وخت آ تینا کلہو اٹی چیئرمین سینیٹ پارے کہ غٹ ہندو کمیونٹی ءِ مبارکبادی ایتیوہ، دیوالی روشنائی و رنگ آتا تہوار ءِ۔ اوپارے کہ نن غٹ اواری اٹ پاکستان نا روشنا آخبت کن اسہ ایلو نا زند اٹ خوشی تا رنگ اس تروئی مریک، بین المذاہب ہم آہنگی و شرف نا کمک اٹ نن شونداری نا عمل ءِ ترند کننگ کینہ، ملکی آئین و کانود اٹ غٹ اقلیت آتے بریبرنا حق دوئی ءِ۔ اونا پاننگ ئس کہ ہندوبرادری نا پاکستان نا شونداری ٹی اہم ءُ کڑد اسے۔ ڈپٹی چیئرمین سینیٹ مرزا محمد آفریدی، سینیٹ اٹی قائد ایوان سینیٹر ڈاکٹر شہزاد وسیم و سینیٹ اٹی قائد حزب اختلاف سینیٹر سید یوسف رضاگیلانی ئسک ہم دیوالی نا وخت آ ہندوبرادری ءِ مبارکبادی تسنو۔
