اسلام آباد۔ 04 نومبر (اے پی پی) انٹرنیشنل اسلامک ٹریڈ فنانس کارپوریشن (آئی ٹی ایف سی) و وزارت اقتصادی امور نا نیام اٹ واپاری فنانسنگ کن 761.5ملین امریکی ڈالر تننگ آ امنائی مس۔ دافنانسنگ آئی ٹی ایف سی نا پاکستان کن 3 سال اکن 4.5 بلین امریکی ڈالر نا فنانسنگ ونڈو نا بشخ اسے۔ وزارت اقتصادی امورنا رداٹ مراحبہ فنانسنگ نا آسراتی تیل و گیس انا درآمد کن کاریم اٹ اتیک۔ داوخت آ بنجائی وزیر اقتصادی امور عمرایوب خان پارے کہ سوگو زرگزرانی بحالی و زیات خواست انا سوب آن ، فنانسنگ ءِ 300 ملین ڈالر آن ودفسا 761.5ملین ڈالر کننگانے۔ اوپارے کہ آئی ٹی ایف سی نا فنانسنگ شرح مبادلہ آ زور ءِ کم کننگ و درملکی کرنسی نا کوڑی تے سوگو کننگ اٹ ہم کمک کیک۔ بنجائی وزیرعمر ایوب خان پارے کہ آئی ٹی ایف سی نا فنانسنگ نا آسراتی پاکستان نا سوو زرگزرانی بحالی آ IFIsنا پت انا عکاسی ءِ کیک۔ ای اے ڈی و آئی ٹی ایف سی 4.5 بلین امریکی ڈالر نا فنانسنگ ونڈونا زیات آن زیات کاریم اٹ اتنگ کن آخبت اٹ ہم تینا کمکاری ءِ برجاتخنگ آ امناکریر۔
