بیجنگ۔ 04 نومبر (اے پی پی) چینی اسکالر پارینے کہ پاکستان نا وزیراعظم عمران خان نا کنڈآن 20 کروڑ الس نا ویل آتا ایسر کننگ کن 120 ارب روپئی نا ریلیف پیکج ملک ءِ آسودہی ریاست اس جوڑ کننگ نا عزم انا کنڈآ بے مٹ وکمکار ءُ گام اس مریک۔ ساؤتھ ویسٹ یونیورسٹی آف پولیٹکل سائنس اینڈ لاٹی وزٹنگ پروفیسر و چارہارانسٹی ٹیوٹ نا سینئر فیلوچینگ ژزہونگ پنچ شنبے نادے آ اسہ بیان اسے ٹی پارے کہ وزیراعظم عمران خان نا تقرر ءِ خواننگ آن پد داہیت انا احساس مس کہ او لس بندغ نا زند اٹی گچینی اتنگ کن بھاز فکرکننگ ءِ۔ اوپارے کہ عمران خان ہراوخت آن اقتدار ءِ سنبھالانے او مخلوق نا زند ءِ گچین کننگ نا گرج آ زور شاغا ہرا السی خذمت نا حکومت نا نظریہ نا پورو ڈیک ءِ۔ اوپارے کہ داوار وزیراعظم کبینی آن زہمی الس نا مشکل آتے کم کننگ کن پاکستان نا تاریخ نا غٹ آن بھلا آسودہی پیکج نا پڑو کرے۔ 120 ارب روپئی نا سبسڈی پروگرام نا رداٹ اہل خاہوت بروک آ 6 تُواکن 30 درسد کم نہاد آ سی، نُت و دال ہلنگ کیرہ و داپروگرام ملک ءِ آسودہی ریاست اس جوڑ مننگ نا کنڈآ دیک۔ اوپارے کہ پاکستان نا ساڑی آ مشکل آک عارضی ءُ وپاکستانی الس نا پدریسہ کوشست و چین، سعودی عرب ومتحدہ عرب امارات کون آ سنگت ملک آتا کمک اٹ اوفتا مون ءِ توننگ مریک۔ اوپارے کہ سہی پالیسی تا سوب آن پاکستانی حکومت نا کنڈآن زرگزرانی سرجزآتے پورو وڑاٹ بند کننگ نا جاگہ غا سمارٹ لاک ڈاؤن نا خلنگ آن داسہ پاکستان نا زرگزران ترندی اٹ سہی مننگ ءِ و برآمد آتے ٹی ودکی ستاکڑزک وخت اس کہ روزگار نا وارخواہی تیٹی نمان ودکی مسنے۔ اومستی پارے کہ ترسیلات زر پوسکن آ بڑزانگا کہول آ سرمسنے، و کرنٹ اکاؤنٹ نسخان کم مرسا جی ڈی پی نا 0.6 درسد آ بسنے ہرااسہ دہائی ٹی غٹ آن کم ءِ۔
