اسلام آباد۔03 نومبر (اے پی پی) وزیراعظم عمران خان بنجائی ادارہ غاتے ٹی سمندر آن ایپار پاکستانی تیکن کمکار آفیسر آتا تقرر و خصوصی سیکشن وڈیسک اس جوڑ کننگ نا پارت کرینے۔ چارشنبے نادے آ وزیراعظم ڈلیوری یونٹ(پی ایم ڈی یو) نا کنڈآن جاری بیان نا رداٹ حکومت سمندر پار پاکستانی تے آسراتی فراوان کننگ کن اسہ پین بھلو گام اس ہرفینے، وزیراعظم بنجائی ادارہ غاتے ٹی کمکار آفیسر مقرر کننگ نا پرمان کرینے۔ وزیراعظم پارت کرینے کہ 39 بنجائی ڈویژن تے ٹی اوورسیز پاکستانی تیکن کمکار آفیسر مقرر کننگے، وزیراعظم 13 وزارت آتا 34 ذیلی وزارت آتے دا چرجوئی ٹی پارت جاری کرینے۔ وزیراعظم آفس نا کنڈآن جاری بیان اٹی پاننگاکہ کمکار آفیسر آک گریڈ 19 آن کم انا مفسہ و وزارت آک کمکار آفیسر آتا تعیناتی ءِ نوٹیفائی کیرہ۔ مراسلہ ٹی پارت کننگانے کہ مخصوص سیکشن و ڈیسک اسے نا جوڑ کننگ نا ہم باقاعدہ نوٹیفکیشن ءِ جاری کننگے و بنجائی ادارہ غاک آسراتی نا فراوانی نا بابت آگاہی کن وزارت خارجہ، وزارت سمندر پارپاکستانیز و حوالکاری ءِ معلومدار فراوان کیر۔ داگام انا مسخت سمندر پارپاکستانی تے دفترآتے ٹی مون تروک ویل آتا ازالہ کننگ ءِ۔ وزیراعظم آفس پارت کرے کہ غٹ ڈویژنک 21 دے اٹی کارروائی ءِ پوروکرسا رپورٹ ایتر، داگام آن سمندر پار پاکستانی تیکن خذمت آتا فراوانی و ایلو باندات آتا بابت آگاہی ٹی کمکاری دوئی مریک۔ وزارت خارجہ، اوورسیز پاکستانی و حوالکاری و شینکاری تینا وڑاٹ ہم آسراتی نا آگاہی ایترہ۔
