اسلام آباد۔ 03 نومبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ عمران خان الس نااسٹ انگا اومیت ءِ، کورونا نا دین اٹی مچ آ دنیا نا زرگزرانک بھس مسر ولے پاکستانی زرگزران سوگو مس، نابود آک 5 سال اٹی برآمد آتے ٹی صفر درسد ودکی کریر۔ چارشنبے نادے آمریم اورنگزیب نا بیان آ ردعمل اٹ اوپارے کہ عمران خان الس نا اسٹ انگا اومیت ءِ ۔ اوپارے کہ نابود درباری خاطر جمع تخر بروک آ 5 سال ہم عمران خان نا ءُ۔ کورونا نا دین اٹی مچ آ دنیا نا زرگزرانک بھس مسر ولے پاکستانی زرگزران سوگو مس۔ ڈاکٹر شہباز گل پارے کہ نابود آک 5 سال اٹی برآمد آتے ٹی صفر درسد ودکی کریر۔ مستین اٹ زرگزران ءِ برآمد ودفنگ نا جاگہ غا آئی ایم ایف نا وام تیا چلیفسا ہِننگا۔ اوپارے کہ اکتوبر 2021اٹی برآمد آک 17.5 درسد ودکی اتون 2.471 بلین ڈالر مسر۔ اوپارے کہ بدترین جہانی کساد بازاری نا دور اٹی ہم برآمد، تعمیرات، لارج اسکیل مینو فیکچرنگ اٹ ریکارڈ ودکی مسنے وخت اس کہ ٹیکسٹائل برآمد تاریخی کہول آٹی ءِ، ہنگرانڈیکس اٹ نمان گچینی و نیزگاری نا کچ اٹی کمتی داخبر نمے بے چین کننگ ءِ۔ اوپارے کہ دروغ تڑ باجی نا پریس کانفرنس اصل اٹ کوزہ گیر لیگ انا زرگزران نا بھسکاری نا دہائی ءِ۔
