کوئٹہ۔ 03 نومبر(اے پی پی) وزیراعلیٰ بلوچستان میر عبدالقدوس بزنجو تون کمانڈر 12 کور لیفٹیننٹ جنرل سرفراز علی اوڑدہی کرے ۔ وزیراعلیٰ آفس آن جاری بیان نا رداٹ اوڑدہی ٹی سیکورٹی تون اوار تین پہ تینی است خواہی نا ایلو باندات آ گپ وتران کننگا۔ اوڑدہی ٹی صوبہ ٹی امن و ایمنی کن غٹ تر دوئی وسیلہ غاتے کاریم اٹ اتنگ آ امنا کننگا۔ کور کمانڈر 12 کور لیفٹیننٹ جنرل سرفراز علی نا کنڈآن وزارت اعلیٰ نا منصب ءِ سنبھالنگ آ وزیراعلیٰ بلوچستان میر عبدالقدوس بزنجو ءِ مبارکبادی تننگا و اوڑکن نیک است خواہی نا درشانی ءِ کننگا۔
