کابل۔ 03 نومبر (اے پی پی) اوغانستان نا دارالحکومت کابل اٹی سردار محمد داؤد خان ملٹری ہسپتال نا خڑک دھماکہ غاتا زمواری ءِ داعش امنا کرینے۔ داہیت ءِ چینی خبررساں ادارہ چارشنبے نادے آ داعش نا اسہ بیان اسے نا بابت پارے۔ یات سلے کہ سے شنبے نادے آ سردار محمد داؤد خان ملٹری ہسپتال نا خڑک 2 دھماکہ غاتے ٹی 19 بندغ زوال و کم و ود 50 ٹھپی مسوسر۔ طالبان ترجمان ذبیح اللہ مجاہد سے شنبے نادے آ اسہ ٹویٹ اسے ٹی پارے کہ ملٹری ہسپتال آ جلہو نا دوبہ داعش آ خلسا پارے کہ دہشت گرد پڑک نا 5 باسک ہسپتال آ جلہو کریسر ہرافتیان چار ءِ زوال و اسٹ اسے دزگیر کننگانے۔
