دے ٹکی اوغانستان اٹی داعش نا برخلاف کارروائی ٹی اسہ امریکی فوجی اس تپاخت کرے

کابل۔ 09 اپریل (اے پی پی) دے ٹکی اوغانستان اٹی شدت پسند تنظیم داعش نا برخلاف کارروائی ٹی اسہ امریکی فوجی اس تپاخت کرے۔ اوغانستان اٹی تعینات جہانی فوج انا ترجمان پارینے کہ ہفتہ نا دے دا فوجی صوبہ ننگر ہار اٹی داعش خراسان نا برخلاف کروک آ آپریشن اٹی تپاخت کرے ۔ داعش خراسان شدت پسند تنظیم نا بشخ اسے۔ کہوک آ فوجی امریکی اسپیشل فورس آتا باسک اس ئس۔ ننگرہار، اوغانستان اٹی عسکریت پسند آتا اسہ سوگو ئُ گڑھ اسے۔ امریکی فورس آک دا علاقہ ٹی چندی فضائی کارروائی ہم کرینو۔ اوغانستان نا ڈغاری فوج اتون اواری اٹ کروک آ داکارروائی تا سوب شدت پسند گڑاس ہندن انگا علاقہ غاتیان پیش تمانو ہرا مہالو اوفتا زیر تسلط ئسر۔ دا دا سال اوغانستان اٹی جنگ انا امریکی فوج انا کارندہ اسے نا اولیکو تپاخت ئِ۔