اسلام آباد۔ 02 نومبر (اے پی پی) بنجائی وزیر داخلہ شیخ رشید احمد پارینے کہ اسلام آباد اٹی ریسکیو1122 سروس ہنداتُواٹی بناکیک۔ داہیت ءِ او سے شنبے نادے آ داڑے اسلام آباد فائر بریگیڈسروس نا دورہ ٹی گپ وتران کرساپارے۔ وزیرداخلہ پارے کہ پنجاب نا وڑآ اسلام آباد اٹی ریسکیو1122 نا بناءِ کننگ انگ ءِ، ریسکیو1122 اٹی فائر سروس، ایمبولینس و ایلو ایمرجنسی سروس آک اوار مریرہ۔ اوپارے کہ ریسکیو 1122 سروس نا بناءِ ہنداتُواٹی کننگک، سروس اٹ بنائی وڑاٹ 20 گاڈی اوار مریرہ، ارٹ میکو ریسہ ٹی گاڈی تا کچ ءِ ودفسا 40 کننگک۔ وزیرداخلہ پارے کہ دارالحکومت اسلام آباد ءِ رکھ انگا شار جوڑ کننگ انگ ءِ، داڑے ہائی رائز ماڑی جوڑ مننگ آن ایمرجنسی سروس آ پین بھاریم بریک۔ اوپارے کہ فائر سروس و ایلوایمرجنسی سروس آتے اپ گریڈ کننگ نا دمدستی گرج ءِ۔ وزیرداخلہ شیخ رشید احمد دورہ ٹی خاخر کسفنگ و ایمرجنسی ہینڈلنگ و مشق آتا معائنہ ءِ ہم کرے۔ ریسکیو1122 سروس نا بابت کمشنر اسلام آباد عامر علی احمد وخت اس کہ ایڈمنسٹریٹر ایم سی آئی حمزہ شفقات سروس اپ گریڈیشن نا بابت وزیرداخلہءِ معلومدار کرے۔
