کوئٹہ۔ 02 نومبر (اے پی پی) وزیراعلیٰ بلوچستان میر عبدالقدوس بزنجو دہشت گردی نا ساڑی آ واقعہ غاتا سخت نوٹس ہلسا بڑزکو کہول انا دیوان اس بٹنگا۔ سی ایم ہاؤس آن جاری بیان نا رداٹ وزیراعلیٰ امن و ایمنی نا حالیت آتیا گڑتی نا درشانی ءِ کرسا امن و ایمنی نا ساڑی آ حالیت آتا رداٹ بڑزکو کہول انا دیوان اس بٹنگانے ہرااونا کماشی ٹی (پگہ) چارشنبے نادے آمریک۔ دیوان اٹی چیف سیکرٹری ایڈیشنل چیف سیکرٹری داخلہ آئی جی پولیس ایف سی کمامدار و ایلو سیکورٹی ادارہ غاتا نمائندہ غاک ساڑی مریرہ۔ دیوان اٹی وزیراعلیٰ بلوچستان میر عبدالقدوس بزنجو ءِ تعلقدار ادارہ غاک امن وایمنی نا حالیت آتیا سرجم حوال ایترہ۔ دیوان اٹی کوئٹہ تون اوار مچ آ صوبہ نا سیکورٹی پلان نا جاچ ءِ ہلسا اودے اول سرآن مرتب کننگک۔ وزیراعلیٰ بلوچستان میر عبدالقدوس بزنجو پارے کہ الس نا جان و مال انا رکھ اولیت ءِ امن اٹی ہچ ءُ ڈیوالئی اسے سگنگ پننگک۔

متعلقہ مضامینمصنف کی طرف سے مزید